Jyl basynan beri úshmyńǵa jýyq adam donor bolsa, olardyń tórtten biri alǵash ret qan tapsyrypty. Munda kúnine shamamen 40-qa tarta petropavldyq keletin kórinedi. Alaıda, dárigerler sońǵy ýaqyta óńirde oń rezýsty qan berýshiler qatarynyń kóbeıip, al teris rezýsty jandardyń sany kúrt azaıǵanyn alǵa tartady.
– Teris rezýsty qan tapsyrýshylardyń úlesi bar-bolǵany 7-10 paıyzdy ǵana quraıdy. Qazir bul topqa jatatyn adamdardyń sanyn artyrý maqsatynda jumys jasap jatyrmyz, - deıdi qan ortalyǵy donorlardy jınaqtaý bóliminiń meńgerýshisi Dınara Qlýova.
Teris rezýsty qan qoryn kóbeıtý úshin ortalyqqa 2 aı saıyn turaqty donorlar shaqyrylyp turady. Solardyń biri - Vladıslav Maleev úsh jyldan beri qan tapsyryp júr. Dárigerlerdiń ótinishin jerde qaldyrǵan emes. Onyń qany úshinshi teris rezýsty topqa jatady. Ol donor bolý ár adamnyń paryzy dep túsinedi.
Mamandardyń aıtýlarynsha qan tapsyrý donordyń densaýlyǵyna óte paıdaly. Túrli aýrýlarǵa sırek shaldyǵady. Donordan bir márte 450 mıllıgramm qan alynyp, 2 kúnge jumystan bosatylady. 567 teńge tólenedi.
О́mir Esqalı,
«Egemen Qazaqstan».
Soltústik Qazaqstan oblysy.
